काहे के हमके भेजला हो बाबा
ओही देसवा ..जहा धने पुजाला
बाबू क नेह  न माई क पिरितिया
ननदी मारे ले जहां 
कस कस तनवा 

हमरे खातिर बेच के 
आपन सब धनवा
हमार घर जोरे में 
कएला सारा जतनवा

तबो इहंवा सबके कमी लागेला 
हमरा के सब केहू  बोली मारेला 
अबकी जे केहू हमसे 
कुछो मंगवाई 
हमरे से कईसे अब
तोहसे कहल जाई......
 
 

नेता जी के खातिर सब कुछ खेल बा 

उनकर हो गइल व्यापारियन से मेल बा 

हमनी क रोटी दाल सब मुहाल  बा 

नेता जी के थाली  में मुर्गा हलाल बा 

हमनी क गुहार तनी  देर में सुनाला 

नेता जी छीके ले त गूंज मच जाला  

वोट  मांगत बेर उनके ना बुझाला 

कुर्सी पर बईठते  उनकर बोली बिकाला 

नेता जी के आस -पास चमचन क रेल बा 

लोकतंत्र में 'लोक ' नइखे , बाकी  सब खेल बा .

इ ब्लॉग हम भिखारी ठाकुर के नामे समर्पित कर तानी .